Evrópskir langtímafjárfestingarsjóðir

157. löggjafarþing Mál nr. 147 6. október 2025 – 24. nóvember 2025 Sjá á Alþingi.is ↗
6 ræður
6 þingmenn
882 orð
4 flokkar
Framsóknarflokkur Miðflokkurinn Samfylkingin Sjálfstæðisflokkur

Ríkisstjórn

Sigurþóra Steinunn Bergsdóttir
Samfylkingin
1 ræða 229 orð

Stjórnarandstaða

Nanna Margrét Gunnlaugsdóttir
Miðflokkurinn
1 ræða 132 orð
Guðrún Hafsteinsdóttir
Sjálfstæðisflokkur
1 ræða 129 orð
Sigurður Ingi Jóhannsson
Framsóknarflokkur
1 ræða 116 orð

Tímalína umræðunnar

6. október 2025
Daði Már Kristófersson flutningsræða
276 orð
Forseti. Ég mæli fyrir frumvarpi til laga um breytingu á lögum um evrópska langtímafjárfestingarsjóði. Lagt er til að lögfest verði reglugerð Evrópuþingsins og ráðsins sem breytir eldri reglugerð um sama efni. Reglugerðin gildir um evrópska langtímafjárfestingarsjóði eða svokallaða ELTIF-sjóði. Eingöngu þeir sjóðir sem hafa starfsleyfi á grundvelli fyrrgreindra reglugerða geta notað þetta heiti. Þetta eru sérhæfðir sjóðir og eru eina tegund sjóða sem helguð er langtímafjárfestingum sem…

Forseti. Ég mæli fyrir frumvarpi til laga um breytingu á lögum um evrópska langtímafjárfestingarsjóði. Lagt er til að lögfest verði reglugerð Evrópuþingsins og ráðsins sem breytir eldri reglugerð um sama efni.

Reglugerðin gildir um evrópska langtímafjárfestingarsjóði eða svokallaða ELTIF-sjóði. Eingöngu þeir sjóðir sem hafa starfsleyfi á grundvelli fyrrgreindra reglugerða geta notað þetta heiti. Þetta eru sérhæfðir sjóðir og eru eina tegund sjóða sem helguð er langtímafjárfestingum sem heimilt er að markaðssetja yfir landamæri innan Evrópska efnahagssvæðisins fyrir bæði fagfjárfesta og almenna fjárfesta.

Fáir ELTIF-sjóðir hafa hingað til verið stofnaðir innan EES og má það m.a. rekja til strangra reglna um samsetningu eignasafna slíkra sjóða.

Engir ELTIF-sjóðir eru starfandi á Íslandi en með breyttri og einfaldaðri reglugerð gæti slíkt sjóðaform orðið eftirsóknarverðara þar sem sveigjanleiki við fjárfestingar verður meiri.

Meðal breytinga má nefna að fallið er frá kröfu um 10 milljóna evra lágmark á hverja hæfa fjárfestingu, opnað er á heimildir til fjárfestinga í nýsköpunarfyrirtækjum á fjármálamarkaði og heimildir til lántöku eru auknar.

Forseti. Ekki er lagt til að gengið verði lengra við innleiðingu á reglugerðinni en lágmarkskröfur hennar áskilja.

Þó er rétt að taka fram að lagt er til að nýrri reglusetningarheimild verði bætt við lögin. Hún varðar upplýsingagjöf um kostnað sem fjárfestingar í evrópskum langtímafjárfestingarsjóðum bera.

Það var fyrir yfirsjón á sínum tíma að þessi reglusetningarheimild var ekki hluti af frumvarpi sem varð að lögum nr. 115/2022 sem innleiddu eldri reglugerðina.

Fyrirhuguð lagasetning hefur hvorki áhrif á fjárhag ríkissjóðs né eftirlitsgjald sem eftirlitsskyldar aðilar á fjármálamarkaði greiða.

Forseti. Ég hef nú gert grein fyrir efni frumvarpsins í stórum dráttum og legg til að frumvarpinu verði að lokinni þessari umræðu vísað til hv. efnahags- og viðskiptanefndar.

17. nóvember 2025
Sigurþóra Steinunn Bergsdóttir Samfylkingin ræða
229 orð
Virðulegi forseti. Ég mæli fyrir hönd meiri hluta efnahags- og viðskiptanefndar fyrir nefndaráliti um frumvarp til laga um breytingu á lögum um evrópska langtímafjárfestingarsjóði, nr. 115/2022. Með frumvarpinu eru ákvæði reglugerðar (ESB) 2023/606 innleidd í íslenskan rétt með breytingum á lögum um evrópska langtímafjárfestingarsjóði, nr. 115/2022. Með þeim lögum var ELTIF-reglugerðin innleidd á sínum tíma sem kveður á um skilyrði þess að heimilt sé að stofna, reka og…

Virðulegi forseti. Ég mæli fyrir hönd meiri hluta efnahags- og viðskiptanefndar fyrir nefndaráliti um frumvarp til laga um breytingu á lögum um evrópska langtímafjárfestingarsjóði, nr. 115/2022.

Með frumvarpinu eru ákvæði reglugerðar (ESB) 2023/606 innleidd í íslenskan rétt með breytingum á lögum um evrópska langtímafjárfestingarsjóði, nr. 115/2022. Með þeim lögum var ELTIF-reglugerðin innleidd á sínum tíma sem kveður á um skilyrði þess að heimilt sé að stofna, reka og markaðssetja sérhæfða sjóði sem evrópska langtímafjárfestingarsjóði eða ELTIF. Fáir ELTIF-sjóðir hafa verið settir á stofn frá gildistöku ELTIF-reglugerðarinnar og í fáum aðildarríkjum. Engir slíkir sjóðir eru starfræktir á Íslandi. Með innleiðingu reglugerðarinnar sem frumvarpið kveður á um auk tengdrar framseldrar reglugerðar gætu ELTIF-sjóðir orðið áhugaverðari fjárfestingarkostur fyrir rekstraraðila sérhæfðra sjóða til að bjóða upp á.

Nefndin fjallaði um málið, fékk á sinn fund gesti en bárust engar umsagnir. Meiri hluti efnahags- og viðskiptanefndar leggur til eina minni háttar orðalagsbreytingu sem ekki er ætlað að hafa efnisleg áhrif.

Að framansögðu virtu leggur meiri hluti efnahags- og viðskiptanefndar til að frumvarpið verði samþykkt með þeirri breytingu sem lögð eru til.

Undir álit meiri hluta efnahags- og viðskiptanefndar rita, auk þeirra sem hér stendur, hv. þingmenn Pawel Bartoszek, Anna María Jónsdóttir, Elín Íris Fanndal, Hannes S. Jónsson, Tómas Þór Þórðarson og Vilhjálmur Árnason.

Frú forseti. Ég vil þakka efnahags- og viðskiptanefnd fyrir mjög gott samstarf varðandi þetta mál. — Ég hef lokið máli mínu.

19. nóvember 2025
Guðrún Hafsteinsdóttir Sjálfstæðisflokkur um atkvæðagreiðslu
129 orð
Virðulegi forseti. Það var dapur dagur fyrir íslenskt atvinnulíf og samfélag í gær með ákvörðunum ESB. Óvissan er mikil. Við Sjálfstæðismenn höfum staðið vörð um EES-samninginn í rúm 30 ár. Eftir gærdaginn er ljóst að ESB ber ekki sömu virðingu fyrir samningnum og við. Það gengur gegn sannfæringu minni að halda hér áfram að samþykkja innleiðingar frá Brussel þegar við erum í óvissu um hvort við séum að fullu hluti af innri markaði ESB eða ekki. Hér geta hlutirnir ekki…

Virðulegi forseti. Það var dapur dagur fyrir íslenskt atvinnulíf og samfélag í gær með ákvörðunum ESB. Óvissan er mikil. Við Sjálfstæðismenn höfum staðið vörð um EES-samninginn í rúm 30 ár. Eftir gærdaginn er ljóst að ESB ber ekki sömu virðingu fyrir samningnum og við. Það gengur gegn sannfæringu minni að halda hér áfram að samþykkja innleiðingar frá Brussel þegar við erum í óvissu um hvort við séum að fullu hluti af innri markaði ESB eða ekki. Hér geta hlutirnir ekki gengið eins og ekkert hafi í skorist. Og enn og aftur verð ég að lýsa vonbrigðum mínum yfir því að enn hefur ríkisstjórnin ekki séð ástæðu til þess að ræða við stjórnarandstöðuna vegna þessa máls þrátt fyrir margítrekaðar óskir. Af þessum sökum verður Sjálfstæðisflokkurinn á gulu í þessu máli.

Sigurður Ingi Jóhannsson Framsóknarflokkur um atkvæðagreiðslu
116 orð
Virðulegi forseti. Alla jafna myndum við styðja þetta mál og gerum það í grunninn þó að þetta varði á engan hátt íslenska hagsmuni þar sem slíkir sjóðir eru ekki starfræktir á Íslandi. Við höfum hins vegar gjarnan innleitt eitthvað slíkt vegna þess að við erum fullgildir, að við héldum, aðilar að innri markaðinum og EES. Þess vegna væri það sérkennilegt ef við afgreiddum slík mál eins og ekkert hefði í skorist, eins og ekkert hefði gerst í gær. Afleiðingar af þeirri…

Virðulegi forseti. Alla jafna myndum við styðja þetta mál og gerum það í grunninn þó að þetta varði á engan hátt íslenska hagsmuni þar sem slíkir sjóðir eru ekki starfræktir á Íslandi. Við höfum hins vegar gjarnan innleitt eitthvað slíkt vegna þess að við erum fullgildir, að við héldum, aðilar að innri markaðinum og EES. Þess vegna væri það sérkennilegt ef við afgreiddum slík mál eins og ekkert hefði í skorist, eins og ekkert hefði gerst í gær. Afleiðingar af þeirri einhliða ákvörðun Evrópusambandsins eru augljóslega ófyrirsjáanlegar. En að þessu sinni, þó að við styðjum inntak þessa máls, þá hefur það engin áhrif á Ísland, þá munum við í Framsókn munu sitja hjá við þessa atkvæðagreiðslu.

Nanna Margrét Gunnlaugsdóttir Miðflokkurinn um atkvæðagreiðslu
132 orð
Forseti. Þetta er mál sem er framhald af máli frá 2022, reglugerð sem við innleiddum þá, um evrópska langtímafjárfestingarsjóði, svokallaða ELTIF-sjóði. Engir slíkir sjóðir eru starfræktir á Íslandi. En það virðist aldrei standa á okkur að innleiða reglugerðir, meira að segja gerðir sem snúa að því að koma fólki úr flugi yfir í lestir. Við erum ekki með lestarsamgöngur. Svo góð höfum við verið gagnvart EES-samningnum að þó að það bitni á okkar fyrirtækjum, einstaklingum…

Forseti. Þetta er mál sem er framhald af máli frá 2022, reglugerð sem við innleiddum þá, um evrópska langtímafjárfestingarsjóði, svokallaða ELTIF-sjóði. Engir slíkir sjóðir eru starfræktir á Íslandi. En það virðist aldrei standa á okkur að innleiða reglugerðir, meira að segja gerðir sem snúa að því að koma fólki úr flugi yfir í lestir. Við erum ekki með lestarsamgöngur. Svo góð höfum við verið gagnvart EES-samningnum að þó að það bitni á okkar fyrirtækjum, einstaklingum á Íslandi þá innleiðum við nánast allt. Í þessu máli bárust ekki einu sinni neinar umsagnir. Við erum hér eftir nokkrar mínútur að fara að samþykkja þetta, örugglega með meiri hluta, þrátt fyrir það sem gerðist hér í gær og ESB er ekki virða samninginn. Miðflokkurinn er ekki að leggjast gegn þessu máli en við verðum gul.

24. nóvember 2025
Sigríður Á. Andersen grein fyrir atkvæði