Aðildarumsókn að ESB

138. löggjafarþing Mál nr. 968 31. maí 2010 Sjá á Alþingi.is ↗
4 ræður
2 þingmenn
719 orð
2 flokkar
Sjálfstæðisflokkur Vinstrihreyfingin - grænt framboð

Ríkisstjórn

Pétur H. Blöndal
Sjálfstæðisflokkur
2 ræður 271 orð

Stjórnarandstaða

Jón Bjarnason
Vinstrihreyfingin - grænt framboð
2 ræður 448 orð

Tímalína umræðunnar

31. maí 2010
Pétur H. Blöndal Sjálfstæðisflokkur ræða
157 orð
Frú forseti. Fyrir ári unnu Vinstri grænir mikinn kosningasigur vegna þess að þeir voru á móti Alþjóðagjaldeyrissjóðnum, vegna þess að þeir voru á móti Icesave og vegna þess að þeir voru á móti aðild að Evrópusambandinu. … kosningabarátta. Um þetta síðasta ætla ég að ræða við hæstv. sjávarútvegs- og landbúnaðarráðherra, Jón Bjarnason. 17. júní, þjóðhátíðardaginn, mun Evrópusambandið taka afstöðu til þess hvort það vill semja við Ísland um að Íslendingar gangi þar inn og afsali…

Frú forseti. Fyrir ári unnu Vinstri grænir mikinn kosningasigur vegna þess að þeir voru á móti Alþjóðagjaldeyrissjóðnum, vegna þess að þeir voru á móti Icesave og vegna þess að þeir voru á móti aðild að Evrópusambandinu. … kosningabarátta. Um þetta síðasta ætla ég að ræða við hæstv. sjávarútvegs- og landbúnaðarráðherra, Jón Bjarnason.

  1. júní, þjóðhátíðardaginn, mun Evrópusambandið taka afstöðu til þess hvort það vill semja við Ísland um að Íslendingar gangi þar inn og afsali sér fullveldinu sem Jón Sigurðsson barðist fyrir í fjölda ára. Í ljósi þess langar mig til að spyrja hæstv. ráðherra:

  2. Þarf að breyta landbúnaðarkerfinu á Íslandi áður en viðræður hefjast eða meðan á viðræðum stendur, og þá í hvaða veru? Hvernig verður því breytt?

  3. Er það ekki alveg á hreinu að hæstv. ráðherra vinnur ötullega að því að koma Íslandi inn í Evrópusambandið eins og hann lofaði?

  4. Veit ráðherra hvað þessi umsókn og allt sem henni fylgir kostar ríkissjóð?

Jón Bjarnason Vinstrihreyfingin - grænt framboð ræða
265 orð
Frú forseti. Eins og þingheimur veit greiddi ég atkvæði á Alþingi gegn því að sótt yrði um aðild að Evrópusambandinu. Hins vegar samþykkti Alþingi að senda þá umsókn. Reyndar gerðu ýmsir þingmenn grein fyrir atkvæði sínu og sögðust ekki í sjálfu sér styðja ESB-aðild en samt var þessi umsókn send. Sem ráðherra vinn ég samkvæmt samþykktum Alþingis. Mín skoðun á þessu máli er hins vegar óbreytt. Ég verð að segja að það er oft skondið þegar sendinefndir koma að utan, frá Evrópuþinginu eða…

Frú forseti. Eins og þingheimur veit greiddi ég atkvæði á Alþingi gegn því að sótt yrði um aðild að Evrópusambandinu. Hins vegar samþykkti Alþingi að senda þá umsókn. Reyndar gerðu ýmsir þingmenn grein fyrir atkvæði sínu og sögðust ekki í sjálfu sér styðja ESB-aðild en samt var þessi umsókn send.

Sem ráðherra vinn ég samkvæmt samþykktum Alþingis. Mín skoðun á þessu máli er hins vegar óbreytt. Ég verð að segja að það er oft skondið þegar sendinefndir koma að utan, frá Evrópuþinginu eða öðrum Evrópulöndum, til að forvitnast um hvernig Evrópusambandsaðildarumsóknin hafi orðið til. Þá segi ég: Hún varð til með þinglegum hætti, afgreidd á Alþingi Íslendinga með meiri hluta.

Stefna þeirra flokka sem standa að ríkisstjórn er í sjálfu sér óbreytt. Vinstri hreyfingin – grænt framboð er á móti aðild að Evrópusambandinu, telur að okkur sé betur komið með öðrum hætti. Það er það. Það liggur fyrir í flokkssamþykkt þannig að það þarf ekkert að koma á óvart í þeim efnum. Það er hins vegar unnið samkvæmt samþykkt Alþingis.

Það er alveg rétt að í áliti frá framkvæmdanefnd Evrópusambandsins um hvað gera þurfi í aðdraganda umsóknarferilsins er m.a. tilgreint að gera þurfi breytingar á lögum og reglum sem lúta að landbúnaðarkerfinu. Við teljum að það standi á vissan hátt um það hvort það þurfi að vera búið áður en aðildarviðræðunum verður lokið.

Það var samþykkt af Alþingi að þjóðaratkvæðagreiðsla skyldi fara fram ef þessar

aðildarviðræður ganga það langt og ég tel að það eigi ekki að vera búið að breyta hér lögum og reglum í þágu Evrópusambandsins áður en sú þjóðaratkvæðagreiðsla fer þá fram.

Pétur H. Blöndal Sjálfstæðisflokkur ræða
114 orð
Frú forseti. Ég þakka hæstv. sjávarútvegs- og landbúnaðarráðherra fyrir svörin en ég var eiginlega alveg hneykslaður Nú? á þeim. Hann sagði í rauninni að Alþingi hefði tekið ákvörðun með ólýðræðislegum hætti, Vinstri grænir væru á móti aðildarumsókn en hefðu samt samþykkt hana. Mér finnst mjög alvarlegt þegar þetta kemur fram. Ég bið hæstv. ráðherra að svara þeirri spurningu sem ég varpaði fram um kostnaðinn. Það sem kom fram hjá honum er einmitt hættan á flokksræðinu.…

Frú forseti. Ég þakka hæstv. sjávarútvegs- og landbúnaðarráðherra fyrir svörin en ég var eiginlega alveg hneykslaður Nú? á þeim. Hann sagði í rauninni að Alþingi hefði tekið ákvörðun með ólýðræðislegum hætti, Vinstri grænir væru á móti aðildarumsókn en hefðu samt samþykkt hana. Mér finnst mjög alvarlegt þegar þetta kemur fram.

Ég bið hæstv. ráðherra að svara þeirri spurningu sem ég varpaði fram um kostnaðinn. Það sem kom fram hjá honum er einmitt hættan á flokksræðinu. Flokksræðið getur eyðilagt lýðræðið og ég hugsa að kosningarnar á laugardaginn var sýni að þjóðin hefur séð að það er eitthvað mikið að þessu flokksræði. Hæstv. ráðherra sagði einmitt núna að svokölluð kattasmölun

væri viðhöfð á hinu háa Alþingi.

Jón Bjarnason Vinstrihreyfingin - grænt framboð ræða
183 orð
Virðulegur forseti. Eins og ég sagði áðan greiddi ég atkvæði gegn aðildarumsókn sem sýnir að það var þó ekki algjört flokksræði. Þingsályktunartillagan fór inn í þingið, það er alveg rétt, og þingið tók síðan sína þinglegu afstöðu og samþykkti ályktunina. Hún fékk þá þinglegu meðferð sem slík mál krefjast. Þeir sem greiddu atkvæði með henni gerðu það á sína ábyrgð og þeir sem greiddu atkvæði gegn gerðu það að sjálfsögðu á sína ábyrgð. Þannig afgreiðir þingið málið og síðan er unnið…

Virðulegur forseti. Eins og ég sagði áðan greiddi ég atkvæði gegn aðildarumsókn sem sýnir að það var þó ekki algjört flokksræði. Þingsályktunartillagan fór inn í þingið, það er alveg rétt, og þingið tók síðan sína þinglegu afstöðu og samþykkti ályktunina. Hún fékk þá þinglegu meðferð sem slík mál krefjast.

Þeir sem greiddu atkvæði með henni gerðu það á sína ábyrgð og þeir sem greiddu atkvæði gegn gerðu það að sjálfsögðu á sína ábyrgð. Þannig afgreiðir þingið málið og síðan er unnið samkvæmt því þangað til þingið breytir því. Það er þingsins að breyta því ferli sem málið er í. Það getur náttúrlega gert það, hv. þingmaður getur komið með tillögu á morgun og athugað hvort það sé þing…

Hin þinglega afstaða liggur fyrir, þingið hefur afgreitt málið. Kostnaðurinn er mikill, það er alveg rétt.

Ég veit að það er mikill kostnaður í mínu ráðuneyti, en ég tel alveg fráleitt að breyta hér lögum og reglum

sem lúta beint að aðildinni. Það held ég að enginn vilji fyrr en það er þá búið að afgreiða það hvort við ætlum að

gerast aðilar eða ekki.