Vinna við aðildarumsókn að ESB

Pétur H. Blöndal Sjálfstæðisflokkur ræða

2009-12-17 10:51 161 orð

Frú forseti. Í sumar þegar við ræddum aðildarumsókn að Evrópusambandinu greiddi hæstv. sjávarútvegs- og landbúnaðarráðherra atkvæði gegn því. Hann sagðist hins vegar mundu vinna ötullega að þessari umsókn fyrir sitt leyti og síns ráðuneytis. Mig langar í fyrsta lagi til að inna hæstv. ráðherra eftir því hvernig þeirri ötullegu vinnu miðar í hans ráðuneyti að koma Íslandi inn í Evrópusambandið og í öðru lagi hvort hann sjái einhver tengsl á milli Icesave-samningsins og aðildarumsóknar að…

Frú forseti. Í sumar þegar við ræddum aðildarumsókn að Evrópusambandinu greiddi hæstv. sjávarútvegs- og landbúnaðarráðherra atkvæði gegn því. Hann sagðist hins vegar mundu vinna ötullega að þessari umsókn fyrir sitt leyti og síns ráðuneytis.

Mig langar í fyrsta lagi til að inna hæstv. ráðherra eftir því hvernig þeirri ötullegu vinnu miðar í hans ráðuneyti að koma Íslandi inn í Evrópusambandið og í öðru lagi hvort hann sjái einhver tengsl á milli Icesave-samningsins og aðildarumsóknar að Evrópusambandinu, t.d. að bæði Bretar og Hollendingar þurfa að samþykkja aðild Íslands að Evrópusambandinu, og hvort það hafi einhver áhrif á afstöðu hans til Icesave-málsins. Hann hefur aldrei talað um Icesave þannig að ég veit ekkert hvað hæstv. ráðherra hugsar í því sambandi eða hvort hann sjái líka fyrir sér að ef allt á Íslandi færi í kaldakol, sem eru ákveðnar líkur á og vonandi kemur fljótlega í ljós, hvort hæstv. ráðherra sjái þá Evrópusambandið sem eins konar björgunarhring til að bjarga Íslandi í þeirri stöðu.

Jón Bjarnason Vinstrihreyfingin - grænt framboð ræða

2009-12-17 10:53 227 orð

Frú forseti. Ég er þeirrar skoðunar að einmitt landbúnaður og sjávarútvegur séu þær atvinnugreinar sem við horfum hvað sterkast til í að skapa atvinnu og gjaldeyri, tryggja fæðuöryggi þjóðarinnar o.s.frv. Ég tel að allt sem við gerum, bæði til skamms tíma og lengri tíma, eigi að miða að því að styrkja grunn þessara atvinnugreina og stöðu þeirra í samfélaginu. Ég beiti mér fyrir því og vona að ég eigi stuðning hv. þm. Péturs Blöndals í þeim efnum. Það er hárrétt að ég greiddi atkvæði gegn…

Frú forseti. Ég er þeirrar skoðunar að einmitt landbúnaður og sjávarútvegur séu þær atvinnugreinar sem við horfum hvað sterkast til í að skapa atvinnu og gjaldeyri, tryggja fæðuöryggi þjóðarinnar o.s.frv. Ég tel að allt sem við gerum, bæði til skamms tíma og lengri tíma, eigi að miða að því að styrkja grunn þessara atvinnugreina og stöðu þeirra í samfélaginu. Ég beiti mér fyrir því og vona að ég eigi stuðning hv. þm. Péturs Blöndals í þeim efnum.

Það er hárrétt að ég greiddi atkvæði gegn því að sækja um aðild að Evrópusambandinu. Sú skoðun mín er óbreytt, við eigum ekkert erindi þangað. Það er sjálfsagt að eiga gott samstarf við allar þjóðir um samninga, Evrópusambandsþjóðir sem aðrar. Hins vegar var þetta meirihlutaákvörðun Alþingis um að umsóknin skyldi send og þá þurfa ráðuneyti eins og landbúnaðar- og sjávarútvegsráðuneytið að sinna vinnu sem Alþingi hefur í sínum samþykktum falið ráðuneytinu í þeim efnum. Ég hef sagt að ég og mitt ráðuneyti munum reyna að inna þær skyldur sem best af hendi þannig að sú vinna sem kallað er eftir í þeim efnum sé unnin. Hún er býsna mikil.

Eitt af því sem ég hef beitt mér fyrir líka í þessum efnum er að þau gögn sem koma inn til ráðuneytisins, spurningar, svör eða önnur formleg gögn, verði þýdd og almenningi

aðgengileg þannig að upplýsingagjöfin og fagvinnan verði sem

best.

Pétur H. Blöndal Sjálfstæðisflokkur ræða

2009-12-17 10:55 129 orð

Frú forseti. Það mun eflaust gleðja kjósendur hæstv. ráðherra að heyra að hann vinni ötullega að því að koma Íslandi inn í Evrópusambandið og þó að hann hafi greitt atkvæði gegn því ætli hann að vera duglegur við þetta. Hæstv. ráðherra svaraði þó ekki spurningunni um Icesave og tengsl þess við Evrópusambandsumsóknina. Umsókn Íslands er svo einföld að hún er bara fjórar línur, engir fyrirvarar um þjóðaratkvæðagreiðslu, þingsályktun Alþingis, stjórnarskrána eða nokkurn skapaðan hlut. Ég vil…

Frú forseti. Það mun eflaust gleðja kjósendur hæstv. ráðherra að heyra að hann vinni ötullega að því að koma Íslandi inn í Evrópusambandið og þó að hann hafi greitt atkvæði gegn því ætli hann að vera duglegur við þetta.

Hæstv. ráðherra svaraði þó ekki spurningunni um Icesave og tengsl þess við Evrópusambandsumsóknina. Umsókn Íslands er svo einföld að hún er bara fjórar línur, engir fyrirvarar um þjóðaratkvæðagreiðslu, þingsályktun Alþingis, stjórnarskrána eða nokkurn skapaðan hlut. Ég vil því spyrja hæstv. ráðherra aftur: Sér hann tengsl milli umsóknar að Evrópusambandinu og Icesave-málsins? Hefur það áhrif á afstöðu hans í Icesave-málinu að Bretar og Hollendingar þurfi að samþykkja þetta utanlandsstarf hans um umsókn að Evrópusambandinu og gæti hugsanlega bjargað okkur seinna meir ef allt færi í kaldakol eins og suma dreymir um?

Jón Bjarnason Vinstrihreyfingin - grænt framboð ræða

2009-12-17 10:56 190 orð

Frú forseti. Ég hélt að ég hefði svarað því alveg skýrt að ég teldi að okkar hag væri betur borgið með því að fara ekki í Evrópusambandið. Ég hef þess vegna ekki trú á að björgunarhringjum frá Evrópusambandinu, ég hef meiri trú á okkur sjálfum hvað það varðar. Við getum farið með samninga okkar við önnur lönd á eigin forsendum en þurfum ekki að fara með þá í gegnum Evrópusambandið þannig að ég vil enga sérstaka bjarghringa. Það er eftir atvikum hversu góðir þeir eru. Varðandi spurninguna um…

Frú forseti. Ég hélt að ég hefði svarað því alveg skýrt að ég teldi að okkar hag væri betur borgið með því að fara ekki í Evrópusambandið. Ég hef þess vegna ekki trú á að björgunarhringjum frá Evrópusambandinu, ég hef meiri trú á okkur sjálfum hvað það varðar. Við getum farið með samninga okkar við önnur lönd á eigin forsendum en þurfum ekki að fara með þá í gegnum Evrópusambandið þannig að ég vil enga sérstaka bjarghringa. Það er eftir atvikum hversu góðir þeir eru.

Varðandi spurninguna um Icesave þá er þetta samningur sem sjálfstæðismenn skrifuðu undir á sínum tíma þegar þeir voru í ríkisstjórn og gengu frá. Já. Ég er ekki hrifinn af þessu

og mér finnst þetta vera afleit staða, sá þrýstingur og hótanir sem hafa komið frá

t.d. Bretum og Hollendingum og reyndar Evrópusambandinu öllu.

Ég er á móti hótunum í samskiptum þjóða og ég tala ekki um eins og í þessu efni, frú forseti, en ég hef greitt

atkvæði eins og hv. þingmaður veit með þessu máli,

það liggur fyrir. Þetta var ákvörðun sem sjálfstæðismenn tóku á sínum tíma og

þjóðin situr því miður uppi með.

Ásta R. Jóhannesdóttir Samfylkingin ræða

2009-12-17 10:58 10 orð

Forseti hvetur hæstv. ráðherra og þingmenn til að virða tímamörk.

Vinna við aðildarumsókn að ESB

Ríkisstjórn

Stjórnarandstaða

Tímalína umræðunnar