Aðgangur íslenskra námsmanna að háskólum ríkja Evrópubandalagsins

115. löggjafarþing Mál nr. 53 24. október 1991 Sjá á Alþingi.is ↗
3 ræður
2 þingmenn
336 orð
2 flokkar
Samtök um kvennalista Sjálfstæðisflokkur

Ríkisstjórn

Stjórnarandstaða

Kristín Ástgeirsdóttir
Samtök um kvennalista
2 ræður 215 orð
Ólafur G. Einarsson
Sjálfstæðisflokkur
1 ræða 121 orð

Tímalína umræðunnar

24. október 1991
Kristín Ástgeirsdóttir Samtök um kvennalista flutningsræða
132 orð
Fyrirspyrjandi (Kristín Ástgeirsdóttir): Virðulegi forseti. Í utandagskrárumræðu um hið Evrópska efnahagssvæði fyrir nokkrum dögum áttu sér stað snörp orðaskipti milli hæstv. umhvrh. og hv. 10. þm. Reykv. Var um það deilt hvort sú staðreynd að Ísland væri utan Evrópubandalagsins hefði þegar gert það að verkum að íslenskir námsmenn ættu erfiðara með að komast inn í háskóla í ríkjum Evrópubandalagsins, þar sem námsmenn annarra Evrópubandalagsríkja sætu fyrir um skólavist. Ekki fékkst úr deilunni…

Fyrirspyrjandi (Kristín Ástgeirsdóttir): Virðulegi forseti. Í utandagskrárumræðu um hið Evrópska efnahagssvæði fyrir nokkrum dögum áttu sér stað snörp orðaskipti milli hæstv. umhvrh. og hv. 10. þm. Reykv. Var um það deilt hvort sú staðreynd að Ísland væri utan Evrópubandalagsins hefði þegar gert það að verkum að íslenskir námsmenn ættu erfiðara með að komast inn í háskóla í ríkjum Evrópubandalagsins, þar sem námsmenn annarra Evrópubandalagsríkja sætu fyrir um skólavist. Ekki fékkst úr deilunni skorið og því beini ég því til hæstv. menntmrh. sem bestan aðgang hefur að upplýsingum um menntamál þjóðarinnar að hann skeri hér úr og spyr:

,,1. Hefur íslenskum námsmönnum verið synjað um aðgang að framhaldsnámi í ríkjum Evrópubandalagsins vegna þess að námsmenn frá öðrum Evrópubandalagsríkjum hafi haft forgang að námi?

  1. Ef svo er, hvaða skólar eiga þar í hlut?``
Ólafur G. Einarsson Sjálfstæðisflokkur svar
121 orð
Menntamálaráðherra (Ólafur G. Einarsson): Hæstv. forseti. Svar mitt er svohljóðandi: Menntmrn. er ekki kunnugt um að íslenskum námsmönnum hafi verið synjað um aðgang að háskólum í ríkjum Evrópubandalagsins vegna þess að námsmenn frá öðrum Evrópubandalagsríkum hafi haft forgang. Hins vegar hefur aðsókn að háskólum í Evrópu aukist mjög mikið síðustu árin og komast færri að en vilja. Víða eru fjöldatakmarkanir í gildi og sums staðar sérstakar hömlur á aðgangi erlendra námsmanna. Íslenskir…

Menntamálaráðherra (Ólafur G. Einarsson): Hæstv. forseti. Svar mitt er svohljóðandi: Menntmrn. er ekki kunnugt um að íslenskum námsmönnum hafi verið synjað um aðgang að háskólum í ríkjum Evrópubandalagsins vegna þess að námsmenn frá öðrum Evrópubandalagsríkum hafi haft forgang. Hins vegar hefur aðsókn að háskólum í Evrópu aukist mjög mikið síðustu árin og komast færri að en vilja. Víða eru fjöldatakmarkanir í gildi og sums staðar sérstakar hömlur á aðgangi erlendra námsmanna. Íslenskir námsmenn keppa við aðra umsækjendur samkvæmt þeim inngönguskilyrðum sem gilda í hverju landi og í hverjum skóla. Aukin samkeppni hefur leitt til þess að fleiri íslenskum námsmönnum er nú synjað um skólavist erlendis en áður, en ekki verður séð að munur sé þar á aðildarríkjum Evrópubandalagsins og öðrum ríkjum.

Kristín Ástgeirsdóttir Samtök um kvennalista ræða
83 orð
Fyrirspyrjandi (Kristín Ástgeirsdóttir): Virðulegi forseti. Ég þakka hæstv. menntmrh. fyrir þetta svar. Þetta sannar þau orð sem 10. þm. Reykv. lét hér falla að verið væri að halda uppi ákveðnum hræðsluáróðri í umræðunni um hið Evrópska efnahagssvæði. Við vitum að það er rétt sem fram kom í máli hæstv. menntmrh. að aðsókn að háskólum hefur aukist mjög verulega og menn hafa séð sig knúða til þess að setja ýmiss konar fjöldatakmarkanir. Ég þakka því fyrir þessi svör. Hér hefur verið leyst úr…

Fyrirspyrjandi (Kristín Ástgeirsdóttir): Virðulegi forseti. Ég þakka hæstv. menntmrh. fyrir þetta svar. Þetta sannar þau orð sem 10. þm. Reykv. lét hér falla að verið væri að halda uppi ákveðnum hræðsluáróðri í umræðunni um hið Evrópska efnahagssvæði. Við vitum að það er rétt sem fram kom í máli hæstv. menntmrh. að aðsókn að háskólum hefur aukist mjög verulega og menn hafa séð sig knúða til þess að setja ýmiss konar fjöldatakmarkanir. Ég þakka því fyrir þessi svör. Hér hefur verið leyst úr deilu.